zarb-ul-amsal

abbū ham ko DaañT rahe the

appī ko ronā aayā

tum ne jāmun mañgvā.e the

laDDū kā donā aayā

maaro ghuTnā phūTe aañkh

chhuTkī itnī baḌ mat haañk

urfī ne chhakkā maarā thā

gintī karnā bhuul ga.e

sher ko dauḌāyā hāthī ne

aur mahāvat phuul ga.e

nekī kar dariyā meñ Daal

bachchoñ kī zarb-ul-amsāl

chamkīle qālīn ke nīche

kitnā kaaTh kabāḌ chhupā hai

murġhā baiThā hai anDe meñ

guThlī meñ ik jhaaḌ chhupā hai

til kī oT pahāḌ chhupā hai

bachchoñ ne bhī sun rakkhā hai

abbu hum ko DanT rahe the

appi ko rona aaya

tum ne jamun mangwae the

laDDu ka dona aaya

maro ghuTna phuTe aankh

chhuTki itni baD mat hank

urfi ne chhakka mara tha

ginti karna bhul gae

sher ko dauDaya hathi ne

aur mahawat phul gae

neki kar dariya mein Dal

bachchon ki zarb-ul-amsal

chamkile qalin ke niche

kitna kaTh kabaD chhupa hai

murgha baiTha hai anDe mein

guThli mein ek jhaD chhupa hai

til ki oT pahaD chhupa hai

bachchon ne bhi sun rakkha hai