zarf

nashsha-e-bada kā ḳhamyāza tan-o-jāñ kā ḳhumār

dard añg añg kā āñkhoñ kī jalan dil kā azaab

ai ki tū bāda-e-sar-josh kā mutamannī hai

tū ne sochā hai kabhī apnī tamannā kā ma.aal

maiñ ki is karb-e-qayāmat se huuñ āgāh mujhe

peshkash jaam kī karte hue ḳhauf aatā hai

tere a.asāb pe ye bār-e-mabādā ho garāñ is darja

farsh-e-hastī pe bikhar jaa.e to TukḌe ho kar

jaam hāzir hai ki maiñ aur mirā mashrab-e-ḳhās

buḳhl se ek bhī pahlū se nahīñ hai mansūb

haañ magar jaam uThānā hai to tū soch zarūr

zarf-e-mai-ḳhvār se qaa.em hai vaqār-e-mai-ḳhvār

nashsha-e-bada ka KHamyaza tan-o-jaan ka KHumar

dard ang ang ka aankhon ki jalan dil ka azab

ai ki tu baada-e-sar-josh ka mutamanni hai

tu ne socha hai kabhi apni tamanna ka maal

main ki is karb-e-qayamat se hun aagah mujhe

peshkash jam ki karte hue KHauf aata hai

tere aasab pe ye bar-e-mabaada ho garan is darja

farsh-e-hasti pe bikhar jae to TukDe ho kar

jam hazir hai ki main aur mera mashrab-e-KHas

buKHl se ek bhi pahlu se nahin hai mansub

han magar jam uThana hai to tu soch zarur

zarf-e-mai-KHwar se qaem hai waqar-e-mai-KHwar