zarurat

hamāre beach kā rishta

zarūrat ke sivā kuchh bhī nahīñ shāyad

zarūrat baat karne kī

zarūrat baat sunñe kī

zarūrat saañs lene kī

zarūrat fursatoñ ke vaqt ko āsān karne kī

zarūrat ko mohabbat naam dene se

hamāre beach phailī ye masāfat kam nahīñ hotī

ye apnā-pan faqat begānagī par dhuul jaisā hai

maiñ ghanToñ baat kartā huuñ

tumhārī fursatoñ ke vaqt ko āsān kartā huuñ

mirā is par ye da.avā hai mujhe tum se mohabbat hai

tumhārā bhī yahī isrār mujh se pyaar kartī ho

so ham āsāniyoñ se jhuuT kī aadat nibhāne meñ

mahārat siikh lete haiñ

zarūrat ko mohabbat maan lete haiñ

magar sach hai

zarūrat kī qasam sach hai

hamāre beach kā rishta

shurūa din se zarūrat hai

hamare beach ka rishta

zarurat ke siwa kuchh bhi nahin shayad

zarurat baat karne ki

zarurat baat sunne ki

zarurat sans lene ki

zarurat fursaton ke waqt ko aasan karne ki

zarurat ko mohabbat nam dene se

hamare beach phaili ye masafat kam nahin hoti

ye apna-pan faqat beganagi par dhul jaisa hai

main ghanTon baat karta hun

tumhaari fursaton ke waqt ko aasan karta hun

mera is par ye dawa hai mujhe tum se mohabbat hai

tumhaara bhi yahi israr mujh se pyar karti ho

so hum aasaniyon se jhuT ki aadat nibhane mein

mahaarat sikh lete hain

zarurat ko mohabbat man lete hain

magar sach hai

zarurat ki qasam sach hai

hamare beach ka rishta

shurua din se zarurat hai