zawal-e-maghrib

zavāl hotā hai kaise ye dekh maġhrib ko

jumūd-e-'aish-o-taraqqī se haiñ niDhāl ye log

na josh-o-justujū duniyā na.ī banāne kī

na koī soz hī in meñ zamāna-zadgāñ kā

sitam-rasīda jahāñ ke na naale sunte haiñ

na fikr-e-dīshab-o-imroz kī girāñ-bārī

dhakel aa.e haiñ mīrās kohna-ḳhānoñ meñ

tamām maz.hab-o-aqdār bhuul aa.e haiñ

vo inkishāf-e-falātūñ shurūh-e-sīnā.ī

vo ibtidā-e-da-vinci maqāl-e-schopenhauer

vahāñ pe gard-o-ġhubār-e-havas kī sartābī

tamām jism meñ jarsūma hirs-e-ashyā kā

shajar tamām ye ab sūkhne hī vaale haiñ

binā meñ is ke ḳhabāsat kī tuḳhm-kārī hai

zavāl-e-ġharb hai ab ik haqīqat-e-mubram

zawal hota hai kaise ye dekh maghrib ko

jumud-e-'aish-o-taraqqi se hain niDhaal ye log

na josh-o-justuju duniya nai banane ki

na koi soz hi in mein zamana-zadgan ka

sitam-rasida jahan ke na nale sunte hain

na fikr-e-dishab-o-imroz ki giran-bari

dhakel aae hain miras kohna-KHanon mein

tamam mazhab-o-aqdar bhul aae hain

wo inkishaf-e-falatun shuruh-e-sinai

wo ibtida-e-da-winci maqal-e-schopenhauer

wahan pe gard-o-ghubar-e-hawas ki sartabi

tamam jism mein jarsuma hirs-e-ashya ka

shajar tamam ye ab sukhne hi wale hain

bina mein is ke KHabasat ki tuKHm-kari hai

zawal-e-gharb hai ab ek haqiqat-e-mubram