zer-e-lab

kas bojh se jism TūTtā hai

itnā to kaḌā safar nahīñ thā

vo chaar qadam kā fāsla kyā

phir raah se be-ḳhabar nahīñ thā

lekin ye thakan ye laḌkhaḌāhaT

ye haal to umr bhar nahīñ thā

āġhāz-e-safar meñ jab chale the

kab ham ne koī diyā jalāyā

kab ahd-e-vafā kī baat kī thī

kab ham ne koī fareb khāyā

vo shaam vo chāñdnī vo ḳhushbū

manzil kā kise ḳhayāl aayā

tū mahv-e-suḳhan thī mujh se lekin

maiñ soch ke jaal bun rahā thā

mere liye zindagī taḌap thī

tere liye ġham bhī qahqaha thā

ab tujh se bichhaḌ ke sochtā huuñ

kuchh tū ne kahā thaa! kyā kahā thā

kas bojh se jism TuTta hai

itna to kaDa safar nahin tha

wo chaar qadam ka fasla kya

phir rah se be-KHabar nahin tha

lekin ye thakan ye laDkhaDahaT

ye haal to umr bhar nahin tha

aaghaz-e-safar mein jab chale the

kab hum ne koi diya jalaya

kab ahd-e-wafa ki baat ki thi

kab hum ne koi fareb khaya

wo sham wo chandni wo KHushbu

manzil ka kise KHayal aaya

tu mahw-e-suKHan thi mujh se lekin

main soch ke jal bun raha tha

mere liye zindagi taDap thi

tere liye gham bhi qahqaha tha

ab tujh se bichhaD ke sochta hun

kuchh tu ne kaha tha! kya kaha tha