ziddi bachcha

ye ik bachche kā qissa hai

ye bachcha thā baḌā ziddī

natīja ye huā zid kā

ye aadat paḌ ga.ī us kī

jo sīdhī baat bhī kahte

samajhtā us ko vo ulTī

vo kahtā garm ko ThanDā

vo kahtā ThanD ko garmī

vo kahtā farsh ko takiya

vo kahtā mez ko kursī

vo kahtā hat ko achkan

vo kahtā coat ko sadrī

vo kahtā hauz ko dariyā

vo kahtā jhiil ko naddī

vo kahtā gosht ko roTī

vo kahtā duudh ko paanī

vo kahtā mirch ko shalġham

vo kahtā pyaaz ko muulī

vo kahtā bheḌ ko ghoḌā

vo kahtā bail ko bakrī

khilāte us ko gar laDDū

vo khānā chāhtā barfī

mañgāte us se gar aalū

to detā lā ke vo gobhī

ġharaz maiñ kyā kahūñ 'nayyar'

thī baat us kī har ik auñdhī

ye ek bachche ka qissa hai

ye bachcha tha baDa ziddi

natija ye hua zid ka

ye aadat paD gai us ki

jo sidhi baat bhi kahte

samajhta us ko wo ulTi

wo kahta garm ko ThanDa

wo kahta ThanD ko garmi

wo kahta farsh ko takiya

wo kahta mez ko kursi

wo kahta hat ko achkan

wo kahta coat ko sadri

wo kahta hauz ko dariya

wo kahta jhil ko naddi

wo kahta gosht ko roTi

wo kahta dudh ko pani

wo kahta mirch ko shalgham

wo kahta pyaz ko muli

wo kahta bheD ko ghoDa

wo kahta bail ko bakri

khilate us ko gar laDDu

wo khana chahta barfi

mangate us se gar aalu

to deta la ke wo gobhi

gharaz main kya kahun 'nayyar'

thi baat us ki har ek aundhi