zinda rahne ka ye ehsas

ret muTThī meñ kabhī Thahrī hai

pyaas se us ko ilāqa kyā hai

umr kā kitnā baḌā hissa gañvā baiThā maiñ

jānte būjhte kirdār Darāme kā banā

aur is rol ko sab kahte haiñ

hoshiyārī se nibhāyā maiñ ne

hañsne ke jitne maqām aa.e hañsā

bas mujhe rone kī saa.at pe ḳhajil honā paḌā

jaane kyuuñ rone ke har lamhe ko

Taal detā huuñ kisī aglī ghaḌī par

dil meñ ḳhauf o nafrat ko sajā letā huuñ

mujh ko ye duniyā bhalī lagtī hai

bhiiḌ meñ ajnabī lagne meñ mazā aatā hai

āshnā chehroñ ke badle hue tevar mujh ko

haal se maazī meñ le jaate haiñ

kuhniyāñ zaḳhmī haiñ aur ghuTnoñ par

kuchh ḳharāshoñ ke nishāñ

soñdhī miTTī kī mahak khīñche liye jaatī hai

titliyāñ phuul havā chāñdnī kañkar patthar

sab mire saath meñ haiñ

saañs be-ḳhaufī se letā huuñ maiñ

ret muTThi mein kabhi Thahri hai

pyas se us ko ilaqa kya hai

umr ka kitna baDa hissa ganwa baiTha main

jaante bujhte kirdar Darame ka bana

aur is rol ko sab kahte hain

hoshiyari se nibhaya main ne

hansne ke jitne maqam aae hansa

bas mujhe rone ki saat pe KHajil hona paDa

jaane kyun rone ke har lamhe ko

Tal deta hun kisi agli ghaDi par

dil mein KHauf o nafrat ko saja leta hun

mujh ko ye duniya bhali lagti hai

bhiD mein ajnabi lagne mein maza aata hai

aashna chehron ke badle hue tewar mujh ko

haal se mazi mein le jate hain

kuhniyan zaKHmi hain aur ghuTnon par

kuchh KHarashon ke nishan

sondhi miTTi ki mahak khinche liye jati hai

titliyan phul hawa chandni kankar patthar

sab mere sath mein hain

sans be-KHaufi se leta hun main