zindagi

ham ka.ī baar TuuT kar bikhre

laḌkhaḌā.e gire uThe sañbhle

ek ik saañs ham pe bhārī hai

par safar aaj bhī ye jaarī hai

kaun hai ham-safar yahāñ apnā

kaun hai mo'atabar yahāñ apnā

zindagī ke ye marhale haiñ ajiib

pesh aate haiñ hādse bhī ajiib

kitnī Tīseñ dabī haiñ siine meñ

kitnī aaheñ ghuTī haiñ siine meñ

kitnā ye imtihān letī hai

kitnī mushkil se jiine detī hai

koī aahaT sī dil meñ rahtī hai

chhaT-paTāhaT sī dil meñ rahtī hai

oḌh rakkhī haiñ khokhlī ḳhushiyāñ

kuchh haqīqat nahīñ hai saarā gumāñ

chhūne detī nahīñ hai saa.e ko

sang chaltī hai bas dikhāve ko

kis qadar ham ko āzmā.egī

aur kitnā hameñ satā.egī

hum kai bar TuT kar bikhre

laDkhaDae gire uThe sanbhle

ek ek sans hum pe bhaari hai

par safar aaj bhi ye jari hai

kaun hai ham-safar yahan apna

kaun hai mo'atabar yahan apna

zindagi ke ye marhale hain ajib

pesh aate hain hadse bhi ajib

kitni Tisen dabi hain sine mein

kitni aahen ghuTi hain sine mein

kitna ye imtihan leti hai

kitni mushkil se jine deti hai

koi aahaT si dil mein rahti hai

chhaT-paTahaT si dil mein rahti hai

oDh rakkhi hain khokhli KHushiyan

kuchh haqiqat nahin hai sara guman

chhune deti nahin hai sae ko

sang chalti hai bas dikhawe ko

kis qadar hum ko aazmaegi

aur kitna hamein sataegi