zindagi ka safar

zindagī ik safar hai sadiyoñ se

bahtā aayā hai bahtā jā.egā

ham agar is ko roknā chāheñ

maut kā saath DhūñDhnā hogā

ye bhī sadiyoñ kī ik rivāyat hai

jab bhī ham zindagī se laḌte haiñ

aur chāhte haiñ ki najāt mile

maut hī sirf aisā rishta hai

jo hameñ mo'atabar sā lagtā hai

aur lagtā hai mil ke ham us se

zindagī se najāt pā leñge

aur pā leñge ik sukūn jise

na zarūrat ho saañs lene kī

na hī aadat ho bahte rahne kī

kitne barsoñ se kitnī sadiyoñ se

bahtā aayā hai zindagī kā safar

aur ab to ye haal hai is kā

bahte rahnā hī is kī aadat hai

ādateñ bhī ajiib hotī haiñ

zindagi ek safar hai sadiyon se

bahta aaya hai bahta jaega

hum agar is ko rokna chahen

maut ka sath DhunDhna hoga

ye bhi sadiyon ki ek riwayat hai

jab bhi hum zindagi se laDte hain

aur chahte hain ki najat mile

maut hi sirf aisa rishta hai

jo hamein mo'atabar sa lagta hai

aur lagta hai mil ke hum us se

zindagi se najat pa lenge

aur pa lenge ek sukun jise

na zarurat ho sans lene ki

na hi aadat ho bahte rahne ki

kitne barson se kitni sadiyon se

bahta aaya hai zindagi ka safar

aur ab to ye haal hai is ka

bahte rahna hi is ki aadat hai

aadaten bhi ajib hoti hain