zindagi

sarguzasht-e-nauhagar hai zindagī

dāstān-e-ashk-e-tar hai zindagī

kyā uḌegī vādī-e-ummīd meñ

tā.ir-e-be-bāl-o-par hai zindagī

aañkh jhapkī ho gayā qissa tamām

aah kitnī muḳhtasar hai zindagī

pī ke bahke kyoñ na ehsās-e-vajūd

sāġhar-e-jādū-asar hai zindagī

ibtidā-e-zindagānī hai ajal

intihā-e-dard-e-sar hai zindagī

zindagī hai ranj-o-ġham kī dāstāñ

dard-e-dil soz-e-jigar hai zindagī

zeb-e-gulshan munhasir hai ḳhaar par

dard-e-dil par munhasir hai zindagī

jī rahā hai tū bhī ai 'manzar' magar

ek hī andāz par hai zindagī

sarguzasht-e-nauhagar hai zindagi

dastan-e-ashk-e-tar hai zindagi

kya uDegi wadi-e-ummid mein

tair-e-be-baal-o-par hai zindagi

aankh jhapki ho gaya qissa tamam

aah kitni muKHtasar hai zindagi

pi ke bahke kyon na ehsas-e-wajud

saghar-e-jadu-asar hai zindagi

ibtida-e-zindagani hai ajal

intiha-e-dard-e-sar hai zindagi

zindagi hai ranj-o-gham ki dastan

dard-e-dil soz-e-jigar hai zindagi

zeb-e-gulshan munhasir hai KHar par

dard-e-dil par munhasir hai zindagi

ji raha hai tu bhi ai 'manzar' magar

ek hi andaz par hai zindagi