mom-batti

rātoñ ko dukh sahtī huuñ maiñ

din meñ ġhāfil rahtī huuñ maiñ

raushan mujh se Derā Derā

dekh ke mujh ko bhāge añdherā

mahfil meñ jal jaatī huuñ maiñ

shab bhar meñ Dhal jaatī huuñ maiñ

bhiig rahā hai dāman merā

jalne lagā hai tan-man merā

mujh se patañge Darte haiñ

phir bhī vo mujh par marte haiñ

paas vo mere jab aate haiñ

maut kā luqma ban jaate haiñ

'ādil' merā naam batāo

ilm kī sham.eñ har sū jalāo

raaton ko dukh sahti hun main

din mein ghafil rahti hun main

raushan mujh se Dera Dera

dekh ke mujh ko bhage andhera

mahfil mein jal jati hun main

shab bhar mein Dhal jati hun main

bhig raha hai daman mera

jalne laga hai tan-man mera

mujh se patange Darte hain

phir bhi wo mujh par marte hain

pas wo mere jab aate hain

maut ka luqma ban jate hain

'adil' mera nam batao

ilm ki shamen har su jalao