bahut mushkil thā jin ko DhūñDnā make-up ke malbe se

so andāze se un kā bāñkpan likhnā paḌā mujh ko

bahut mushkil tha jin ko DhunDna make-up ke malbe se

so andaze se un ka bankpan likhna paDa mujh ko

kuchh bhī piite nahīñ ye qaum kī yaḳhnī ke sivā

nāshta millat-e-baizā kā kiyā karte haiñ

kuchh bhi pite nahin ye qaum ki yaKHni ke siwa

nashta millat-e-baiza ka kiya karte hain

vo laḌkī ab bhī raazī hai magar shādī kare kaise

ki us laḌkī kā jo potā hai vo raazī nahīñ hotā

wo laDki ab bhi raazi hai magar shadi kare kaise

ki us laDki ka jo pota hai wo raazi nahin hota

chhoḌā hai jab se parda mardā ga.ī hai aurat

radd-o-badal hai kyā kyā ye arz phir karūñgā

chhoDa hai jab se parda marda gai hai aurat

radd-o-badal hai kya kya ye arz phir karunga

mirī majbūriyoñ ne nāzukī kā ḳhuun kar Daalā

har ik gobhī-badan ko gul-badan likhnā paḌā mujh ko

meri majburiyon ne nazuki ka KHun kar Dala

har ek gobhi-badan ko gul-badan likhna paDa mujh ko