ḳhudā badal na sakā aadmī ko aaj bhī 'hosh'

aur ab tak aadmī ne saikḌoñ ḳhudā badle

KHuda badal na saka aadmi ko aaj bhi 'hosh'

aur ab tak aadmi ne saikDon KHuda badle

dīvār un ke ghar kī mirī dhuup le ga.ī

ye baat bhūlne meñ zamāna lagā mujhe

diwar un ke ghar ki meri dhup le gai

ye baat bhulne mein zamana laga mujhe

Dūbne vaale ko sāhil se sadā.eñ mat do

vo to Dūbegā magar Dūbnā mushkil hogā

Dubne wale ko sahil se sadaen mat do

wo to Dubega magar Dubna mushkil hoga

zikr-e-aslāf se behtar hai ki ḳhāmosh raheñ

kal na.ī nasl meñ ham log bhī būḌhe hoñge

zikr-e-aslaf se behtar hai ki KHamosh rahen

kal nai nasl mein hum log bhi buDhe honge