الطاف احمد انصاری نام، نظیر حسین تاریخی نام ، ابوالاحسان کنیت، آزاد تخلص۔ ولادت ۱۲؍اکتوبر ۱۸۷۱ء ناگپور جہاں ان کے والد اور سیری کے عہدے پر فائز تھے۔وطن سہارن پور۔ اٹھارہ انیس سال کی عمر تک مختلف درس گاہوں میں فارسی وعربی کی تعلیم حاصل کی۔ طب مختلف اساتذہ فن سے پڑھی۔ دہرہ دون ، کان پور، انبالہ چھاؤنی اور علی گڑھ میں علاج معالجہ کا کام کرتے رہے۔ جب ان کا کاروبار مطب نہ چلا تو وہ دہلی چلے گئے اور اواخر۱۹۲۳ء تک دہلی میں بسر اوقات کرتے رہے۔ ۱۴؍اکتوبر۱۹۲۳ء کو حیدرآباد (دکن) پہنچ گئے اور کاروبار مطب چھوڑ کر عینک کی تجارت اختیار کرلی۔ انھیں مولانا حالی سے تلمذ حاصل تھا۔ ۱۹۴۲ء میں حیدرآباد میں انتقال کرگئے۔ ان کا دیوان ’’معارف جمیل‘‘ کے نام سے چھپ گیا ہے۔ تکرار الفاظ سے شعر میں حسن پیدا کرنا ان کا خاص فن ہے۔