پوچھنا چاند کا پتا آذرؔ

جب اکیلے میں رات مل جائے

ہار جائے گی یقیناً تیرگی

گر مسلسل روشنی زندہ رہی

ہوا کے دوش پر لگتا ہے اڑنے

جو پتہ ٹوٹ جاتا ہے شجر سے

ختم ہوتا ہی نہیں میرا سفر

کوئی تھک ہار گیا ہے مجھ میں

کوئی منزل کبھی نہیں آئی

راستے میں تھا راستے میں ہوں

چلوں گا کب تلک تنہا سفر میں

مجھے ملتا نہیں ہے کارواں کیوں

تو بھلے میرا اعتبار نہ کر

زندگی میں ترے کہے میں ہوں

پاؤں سے کانٹا نکل جائے اگر

اپنی رفتار بڑھا لوں میں بھی

مار دیتی ہے زندگی ٹھوکر

ذہن جب الٹے پانو چلتا ہے

ایسی ہونے لگی تھکن اس کو

دن کے ڈھلتے ہی سو گیا رستہ

کھلا مکان ہے ہر ایک زندگی آذرؔ

ہوا کے ساتھ دریچوں سے خواب آتے ہیں