بشیر النساء بیگم بشیرؔ، حیدر آباد میں 1915 میں پیدا ہوئیں اور  1972 میں وہیں وفات پائی۔  انیس سو ستائیس سے شاعری کا آغاز کیا۔  ایک متمول اور معززگھرانے سے تعلق رکھتی تھیں،اپنے زمانے میں حیدر آبادکی علمی، ادبی اور تہذیبی زندگی میں بہت فعال تھیں۔ان کی شاعری پر اقبال کی گہری چھاپ تھی۔ نظموں کے علاوہ غزلیں، قصائد اور مرثیے بھی لکھے ہیں۔ ان کا ضخیم شعری مجموعہ ”آبگینہ  ئ شعر“ انیس سو اڑتالیس میں شائع ہوا تھا۔ اسکے علاوہ ان کی کئی طویل نظمیں کتابچے کی شکل میں بھی شائع ہوئی ہیں: ”نقوش کامل“،  ”جانباز ملت“اور ”رافت سلطانی“۔