muntazir haiñ ki kabhī lauT bhī saktā hai vo shaḳhs

ham ne dīvār pe ik diip jalā rakkhā hai

muntazir hain ki kabhi lauT bhi sakta hai wo shaKHs

hum ne diwar pe ek dip jala rakkha hai

ghar kī chaukhaT pe aa.e muflis kī

har sadā bas sadā nahīñ hotī

ghar ki chaukhaT pe aae muflis ki

har sada bas sada nahin hoti

jo ḳhizāñ ke the pairokār miyāñ

jaate jaate bahār chhoḌ ga.e

jo KHizan ke the pairokar miyan

jate jate bahaar chhoD gae

tū jis ke dam par bhī boltā hai

mire ḳhudā se baḌā nahīñ hai

tu jis ke dam par bhi bolta hai

mere KHuda se baDa nahin hai

mujhe us ne kahā be-kār huuñ maiñ

so ḳhud ko rā.egāñ rakkhā huā hai

mujhe us ne kaha be-kar hun main

so KHud ko raegan rakkha hua hai