محمد غلام رسول اشرف گوناگوں خوبیوں کے مالک ہیں۔ وہ بیک وقت شاعر، ادیب، خوش نویس اور ناظم مشاعرہ ہیں۔ اشرف کا کلام ملک کے مؤقر رسائل و جرائد میں شائع ہوتا رہا ہے۔ ہنوز کوئی مجموعہ کلام منظر عام پر نہ آسکا۔ تاہم جو کلام دستیاب ہو سکا اس کی روشنی میں کہا جاسکتا ہے کہ اشرف روایت سے ہٹ کر شعر کہنے کا ہنر جانتے ہیں۔ آسان اور مؤثر زبان میں غزلیں کہنا ان کی خصوصیت ہے۔

غلام رسول اشرفؔ نے بی۔ ایس۔ سی (ریاضی) 1969ء، بی۔ ایڈ (1972ء) ایم۔ اے (اردو) 1980ء میں تعلیم حاصل کی۔

غلام رسول اشرفؔ این۔ ایم۔ سی سانے گروجی اردو جونیئر کالج سے بحیثیت پرنسپل 2006ء میں سبکدوش ہوئے۔