کہیں وہ آ کے مٹا دیں نہ انتظار کا لطف

کہیں قبول نہ ہو جائے التجا میری

جب پیار نہیں ہے تو بھلا کیوں نہیں دیتے

خط کس لئے رکھے ہیں جلا کیوں نہیں دیتے

ہم راتوں کو اٹھ اٹھ کے جن کے لیے روتے ہیں

وہ غیر کی بانہوں میں آرام سے سوتے ہیں

کس واسطے لکھا ہے ہتھیلی پہ مرا نام

میں حرف غلط ہوں تو مٹا کیوں نہیں دیتے

خدا جانے کس کس کی یہ جان لے گی

وہ قاتل ادا وہ قضا مہکی مہکی

یہ کس نے کہا ہے مری تقدیر بنا دے

آ اپنے ہی ہاتھوں سے مٹانے کے لیے آ

دیوار ہے دنیا اسے راہوں سے ہٹا دے

ہر رسم محبت کو مٹانے کے لیے آ