سید محمد علی نام اور جوہر تخلص تھا۔۱۹۲۱ء میں ریاست ٹونک میں پیدا ہوئے۔ سب سے پہلے کلام پاک حفظ کیا اور پھر ’’منشی ‘‘ کا امتحان پاس کیا۔ بعد میں تعلیم جاری نہ رہ سکی، مگر آپ نے فارسی اور اردو کی اہم کتابوں کا مطالعہ جاری رکھا۔ لڑکپن سے ان کی طبیعت شاعری کی طرف مائل تھی۔ انھوں نے حضرت بسمل سعیدی کی شاگردی اختیار کی۔ تقسیم ہند کے بعد جو ہر سعیدی پاکستان آگئے اور کراچی میں مقیم ہوئے۔ آپ کا اہم کام احادیث نبوی ﷺ کا منظوم ترجمہ وتفسیر ہے۔جوہرسعیدی ۲۰؍ فروری ۱۹۹۷ء کو کراچی میں انتقال کرگئے۔’باد سبک دست‘، اور ’سفارت گل‘ آپ کی تصانیف ہیں۔ بحوالۂ:پیمانۂ غزل(جلد دوم)،محمد شمس الحق،صفحہ:124