نام محبوب صدیقی اور خزاں تخلص ہے۔ پہلی جولائی ۱۹۳۰ء کو موضع چندائر، ضلع بلیا (یوپی) میں پیدا ہوئے۔ الہ آباد سے بی اے پاس کیا۔ تقسیم ہند کے بعد پاکستان آگئے۔۱۹۵۲ء میں سی ایس پی کا امتحان دیا اور لاہور میں اسسٹنٹ اکاؤنٹنٹ جنرل پنجاب کے عہدے پر فائز ہوگئے۔ ترقی کرکے اکاؤنٹنٹ جنرل سندھ کے عہدے سے ۳۰؍ جون ۱۹۹۰ء کو ریٹائر ہوئے۔ محبوب خزاں کراچی میں ریٹائرڈ زندگی گزاررہے ہیں۔ تمام عمر شادی نہیں کی۔ شاعری میں کسی سے اصلاح نہیں لی۔ ’’اکیلی بستیاں‘‘ کے نام سے ان کا شعری مجموعہ شائع ہوگیا ہے۔ بحوالۂ:پیمانۂ غزل(جلد دوم)،محمد شمس الحق،صفحہ:245