منصؔور محبوب کا تعلق لاہور سے ہے ۔ پچھلی دو دہائیوں سے بسلسلہ روزگار دیارِ غیر میں مقیم ہیں۔ ۱۹۹۹ میں ہیلے کالج آف کامرس، پنجاب پونیورسٹی لاہور سے بی کام کیا اور ۲۰۰۱ میں لندن سے چارٹر سرٹیفائڈ اکاؤٹنٹ کی ڈگری مکمل کی اور ۲۰۰۹ تک لندن میں ہی کئی محاسبِ قانونی اداروں سے منسلک رہے ۔ 

بعد ازاں ۲۰۰۹ میں بسلسلۂ روزگار بطور بنکار ریاض سعودیہ عرب منتقل ہوگئے ۔ اس وقت آپ مشیرِ گورنر سعودی مرکزی بنک کے عہدے پہ فائز ہیں ۔ 

اردد ادب اور شاعری سے بطور قاری ہوش سنبھالتے ہی تعلق رہا، ۲۰۱۸ میں شاعری کا باقدہ آغاز کیا ۔ ۲۰۱۹ میں ریاض سعودی عرب میں تخیل ادبی فورم کی بطور سرپرستِ اعلٰی بنیاد رکھی اور شہر کی نمائندہ شعراء اور ادبا کو ایک پلیٹ فارم پہ اکٹھا کیا ۔ 

آپ کی پسندیدہ صنف غزل ہے، آپ کی اردو افسانوں اور منی ساگا پہ بھی دسترس ہے ۔