Manzoor Hashmi's Photo'

منظور ہاشمی

1935 - 2008 | علی گڑہ, ہندوستان

نام منظور بنی ہاشمی۔ ۱۹۳۸ء میں محلہ مولوی ٹولہ، بدایوں میں پیدا ہوئے۔ ایم اے (اردو) ، ایم اے (انگریزی) ، بی ایل ایس علی گڑھ مسلم یونیورسٹی سے کیا۔ مولانا آزاد لائبریری علی گڑھ مسلم یونیورسٹی سے بطور ڈپٹی لائبریرین سبک دوش ہوئے۔شاعری ورثے میں ملی۔ لڑکپن اور جوانی ہلوانی، نینی تال کے سرسبز وشاداب ماحول اور فضا میں گزری جس نے حیات وکائنات کے رشتوں اور اسرار کے بارے میں سوچنے کا شعور بخشا اور شاعری کو جذبہ واحساس بنانے کا ذوق عطا کیا۔ ہندوستان اور پاکستان کے ادبی رسائل میں ان کی شعری تخلیقات شائع ہوتی رہتی ہیں۔ ہندوستان کے تمام بڑے مشاعروں میں شرکت کرنے کے علاوہ ریاض، مسقط ، دبئی، ابوظہبی، کراچی اور امریکا کے سولہ بڑے شہروں کے مشاعروں میں شریک ہوچکے ہیں۔ان کے شعری مجموعے’’بارش‘‘(۱۹۸۱ء)، ’’آب‘‘(۱۹۹۴ء) ’’پھولوں کی کشتیاں۔دیوناگری رسم الخط(۲۰۰۵ء) اور ’’سخن آباد‘‘(دسمبر۲۰۰۵ء) میں شائع ہوچکے ہیں۔اترپردیش اردو اکادمی ، جامعہ ملیہ اسلامیہ اور احباب علی گڑھ نے ان کی ادبی خدمات کے اعتراف میں اعزاز وانعام سے نوازا۔ بحوالۂ:پیمانۂ غزل(جلد دوم)،محمد شمس الحق،صفحہ:331

Added to your favorites

Removed form your favorites