kyā kahūñ kis tarah se jiitā huuñ

ġham ko khātā huuñ aañsū piitā huuñ

kya kahun kis tarah se jita hun

gham ko khata hun aansu pita hun

bevafā kuchh nahīñ terī taqsīr

mujh ko merī vafā hī raas nahīñ

bewafa kuchh nahin teri taqsir

mujh ko meri wafa hi ras nahin

jis ghaḌī ghūrte ho ġhussa se

nikle paḌtā hai pyaar āñkhoñ meñ

jis ghaDi ghurte ho ghussa se

nikle paDta hai pyar aankhon mein

kaam tujh se abhī to saaqī hai

ki zarā ham ko hosh baaqī hai

kaam tujh se abhi to saqi hai

ki zara hum ko hosh baqi hai

tere aane kā ehtimāl rahā

marte marte bhī ye ḳhayāl rahā

tere aane ka ehtimal raha

marte marte bhi ye KHayal raha