رخسانہ امروہوی مشہور فلم ڈائریکٹر کمال امروہوی کی بیٹی ہیں۔ خاندان کا ماحول علمی اور ادبی تھا اور طبعیت موزوں تھی اس لئے شعر گوئ کا لڑکپن سے آغاز ہوگیا۔ جون ایلیا ان کے رشتےکے چچا تھے اور ان سے بہت انسیت رکھتے تھے۔ 1964 میں رخسار اپنےوالد کے پاس بمبئ آ گئیں لیکن فلمی دنیا سے دور رہیں۔ صرف ایک فلم کے لئے انھوں نے ایک گانا لکھا تھا۔ ان کی غزلیں ’شمع‘ رسالے میں شائع ہوتی تھیں۔ 2013 میں ان کی کتاب ’’درد دل لکھوں کب تک‘‘ شائع ہوئ جس میں ان کی شاعری کے علاوہ کمال امروہوی کے کئ یادگار خطوط اور تصاویر بھی شامل ہیں۔