mil-milā ke donoñ ne dil ko kar diyā barbād

husn ne kiyā be-ḳhud ishq ne kiyā āzād

mil-mila ke donon ne dil ko kar diya barbaad

husn ne kiya be-KHud ishq ne kiya aazad

thā anal-haq lab-e-mansūr pe kyā aap se aap

thā jo parde meñ chhupā bol uThā aap se aap

tha anal-haq lab-e-mansur pe kya aap se aap

tha jo parde mein chhupa bol uTha aap se aap

sher kyā hai aah hai yā vaah hai

jis se har dil kī ubhar aatī hai choT

sher kya hai aah hai ya wah hai

jis se har dil ki ubhar aati hai choT

naqsh-e-qadam haiñ raah meñ farhād-o-qais ke

ai ishq khīñch kar mujhe laayā idhar kahāñ

naqsh-e-qadam hain rah mein farhad-o-qais ke

ai ishq khinch kar mujhe laya idhar kahan

pābandī-e-ahkām-e-sharī.at hai vahāñ farz

rindoñ ko ruḳh-e-sāqī-o-sāġhar hue maḳhsūs

pabandi-e-ahkaam-e-shariat hai wahan farz

rindon ko ruKH-e-saqi-o-saghar hue maKHsus