سید سلمان حیدر کاظمی 15 جون 2004ء کو موضع جہانگیرپور، ضلع کانپور دیہات میں پیدا ہوئے۔ ان کی ابتدائی تعلیم درجۂ پنجم تک اپنے وطن میں ہی ہوئی۔ ان کے جد امجد، جناب عشرت جہانگیرپوری، اپنے زمانے کے ممتاز شعراء میں شمار ہوتے تھے۔ سلمان کاظمی نے تقریباً 12 سال کی عمر میں شاعری کا آغاز کیا اور 2016ء میں اعلیٰ دینی تعلیم کے لیے جامعہ امامیہ تنظیم المکاتب میں داخلہ لیا۔ وہاں دینی تعلیم کے ساتھ ساتھ عربی، فارسی اور اردو کی تعلیم بھی حاصل کی۔ 2022ء میں امتیازی نمبرات کے ساتھ تنظیم المکاتب، لکھنؤ سے فارغ التحصیل ہونے کے بعد، علی گڑھ مسلم یونیورسٹی میں داخلہ لیا، جہاں وہ اس وقت شعبۂ سیاسیات اور اردو میں زیر تعلیم ہیں۔