mushkil hai rok āh-e-dil-e-dāġhdār kī

kahte haiñ sau sunār kī aur ik luhār kī

mushkil hai rok aah-e-dil-e-daghdar ki

kahte hain sau sunar ki aur ek luhaar ki

kam nahīñ hai afsar-shāhī se kuchh tāj-e-gadā

gar nahīñ bāvar tujhe mun.im to donoñ tol taaj

kam nahin hai afsar-shahi se kuchh taj-e-gada

gar nahin bawar tujhe munim to donon tol taj

ka.abe se ġharaz us ko na but-ḳhāne se matlab

āshiq jo tirā hai na idhar kā na udhar kā

kabe se gharaz us ko na but-KHane se matlab

aashiq jo tera hai na idhar ka na udhar ka

ai ḳhāl-e-ruḳh-e-yār tujhe Thiik banātā

jā chhoḌ diyā hāfiz-e-qur.ān samajh kar

ai KHal-e-ruKH-e-yar tujhe Thik banata

ja chhoD diya hafiz-e-quran samajh kar

ġhurūr-e-husn na kar jazba-e-zuleḳhā dekh

kiyā hai ishq ne yūsuf ġhulām āshiq kā

ghurur-e-husn na kar jazba-e-zuleKHa dekh

kiya hai ishq ne yusuf ghulam aashiq ka