ڈاکٹر شاہد اشرف کا ادبی سفر تین دہاٸیوں سے زاٸد عرصے پر محیط ہے وہ علمی و ادبی گھرانے سے تعلق رکھتے ہیں ان کے والد محمد اشرف امید افسانہ نگار ہیں ان کا افسانوی مجموعہ ”دوسرا سجدہ“ کے عنوان سے شاٸع ہوچکا ہے شاہد اشرف درس و تدریس  کے شعبے سے وابستہ ہیں وہ ایف سی یونی ورسٹی لاہور میں اسسٹنٹ پروفیسر کی حیثیت سے اپنی خدمات انجام دےرہے ہیں اس سے پہلے وہ بحیثیت صدر شعبہ اردو یونی ورسٹی آف سرگودھا لاٸل پور کیمپس میں تعینات تھے وہ نظم غزل اور نعت کہتے ہیں ماٸکروفکشن بھی ان کا خاص حوالہ ہے ان کا پہلا شعری مجموعہ ”یہ منظر خوب صورت ہے“اور ایم فل تھیسس ”مکتوبِ احمد ندیم قاسمی“ شاٸع ہوچکے ہیں  انھوں نے”اردو شاعری کے سیاسی رجحانات“ کے موضوع پر مقالہ لکھ کر پی ایچ ڈی کی ڈگری حاصل کی ہے ان کے تنقیدی و تحقیقی مضامین پاکستان کے مختلف جراٸد میں شاٸع ہوتے رہتے ہیں وہ متحرک علمی و ادبی شخصیت ہیں حلقہ اربابِ ذوق فیصل آباد پاکستان کے دو بار سیکرٹری منتخب ہوچکے ہیں