زندگی اک آنسوؤں کا جام تھا

پی گئے کچھ اور کچھ چھلکا گئے

ٹھکراؤ اب کہ پیار کرو میں نشے میں ہوں

جو چاہو میرے یار کرو میں نشے میں ہوں

گرنے دو تم مجھے مرا ساغر سنبھال لو

اتنا تو میرے یار کرو میں نشے میں ہوں

کچھ تو ہو رات کی سرحد میں اترنے کی سزا

گرم سورج کو سمندر میں ڈبویا جائے

اتنی جلدی تو بدلتے نہیں ہوں گے چہرے

گرد آلود ہے آئینے کو دھویا جائے

تباہ کر گئی پکے مکان کی خواہش

میں اپنے گاؤں کے کچے مکان سے بھی گیا

بے سبب بات بڑھانے کی ضرورت کیا ہے

ہم خفا کب تھے منانے کی ضرورت کیا ہے

آپ کے دم سے تو دنیا کا بھرم ہے قائم

آپ جب ہیں تو زمانے کی ضرورت کیا ہے

تیرا کوچہ ترا در تیری گلی کافی ہے

بے ٹھکانوں کو ٹھکانے کی ضرورت کیا ہے

پایا نہیں وہ جو کھو رہا ہوں

تقدیر کو اپنی رو رہا ہوں

اس سوچ میں زندگی بتا دی

جاگا ہوا ہوں کہ سو رہا ہوں

کانٹوں کو پلا کے خون اپنا

راہوں میں گلاب بو رہا ہوں

کون ہے اپنا کون پرایا کیا سوچیں

چھوڑ زمانہ تیرا بھی ہے میرا بھی

مے خانہ کی بات نہ کر واعظ مجھ سے

آنا جانا تیرا بھی ہے میرا بھی

غم کا خزانہ تیرا بھی ہے میرا بھی

یہ نذرانہ تیرا بھی ہے میرا بھی

شہر میں گلیوں گلیوں جس کا چرچا ہے

وہ افسانہ تیرا بھی ہے میرا بھی

وہ بھی دھرتی پہ اتاری ہوئی مخلوق ہی ہے

جس کا کاٹا ہوا انسان نہ پانی مانگے