ab kahāñ jā.eñge ai dillī tujhe ham chhoḌ kar

terī ḳhātir sab galī kūchoñ kā dil toḌ aa.e haiñ

ab kahan jaenge ai dilli tujhe hum chhoD kar

teri KHatir sab gali kuchon ka dil toD aae hain

shauq meñ pahnī thī bas zanjīr kyā mā'lūm thā

beḌiyoñ kī shakl le legī ye nāgin ek din

shauq mein pahni thi bas zanjir kya ma'lum tha

beDiyon ki shakl le legi ye nagin ek din

nashsha-e-hosh chaḌhā jaatā hai rafta rafta

zindagī phir se huī jaatī hai mub.ham mub.ham

nashsha-e-hosh chaDha jata hai rafta rafta

zindagi phir se hui jati hai mubham mubham

shamshīr ba-kaf huuñ na koī jism meñ jumbish

maiñ kis ke muqābil huuñ ki maarā nahīñ jaatā

shamshir ba-kaf hun na koi jism mein jumbish

main kis ke muqabil hun ki mara nahin jata

ye saare zaḳhmī gūñge haiñ

ye saarī duniyā andhī hai

ye sare zaKHmi gunge hain

ye sari duniya andhi hai