نام فاطمہ زہرا۔ ۱۹۳۶ء میں پیدا ہوئیں۔ ان کا وطن بدایوں ہے۔قیام پاکستان کے بعد زہرانگاہ اپنے خاندان کے ساتھ کراچی آگئیں۔ شعروادب کا ماحول انھیں بچپن سے ملا۔لکھنے پڑھنے کا شوق انھیں اوائل عمر سے تھا۔ خاندانی پس منظر نے شعروادب کی طرف مائل کرنے میں سونے پر سہاگہ کا کام کیا۔ خوبصورت آواز کی بدولت مشاعروں میں کافی مقبول رہی ہیں۔ امریکا اور لندن میں خاصا عرصہ ان کا قیام رہا۔ زہرا نے اپنی شاعری کا آغاز غزل سے کیا تھا، مگر بعد میں نظم کی طرف مائل ہوگئیں۔ ان کے شعری مجموعے ’’شام کا پہلا تارا‘‘ اور ’’ورق‘‘ شائع ہوگئے ہیں ۔ انھیں ’علامہ اقبال ایوارڈ ‘کے علاوہ صدارتی ایوارڈ برائے حسن کارکردگی سے بھی نوازا گیا۔ بحوالۂ:پیمانۂ غزل(جلد دوم)،محمد شمس الحق،صفحہ:317