bulandī ke liye bas apnī hī nazroñ se girnā thā

hamārī kam-nasībī ham meñ kuchh ġhairat ziyāda thī

bulandi ke liye bas apni hi nazron se girna tha

hamari kam-nasibi hum mein kuchh ghairat ziyaada thi

ijāzat kam thī jiine kī magar mohlat ziyāda thī

hamāre paas marne ke liye fursat ziyāda thī

ijazat kam thi jine ki magar mohlat ziyaada thi

hamare pas marne ke liye fursat ziyaada thi

kyā jaane kis jahāñ meñ milegā hameñ sukūn

nārāz haiñ zamīñ se ḳhafā āsmāñ se ham

kya jaane kis jahan mein milega hamein sukun

naraaz hain zamin se KHafa aasman se hum

maiñ ne to ba.ad meñ toḌā thā ise

ā.īna mujh pe hañsā thā pahle

main ne to baad mein toDa tha ise

aaina mujh pe hansa tha pahle

niiñd ko DhūñD ke laane kī davā.eñ thiiñ bahut

kaam mushkil to koī ḳhvāb hasīñ DhūñDhnā thā

nind ko DhunD ke lane ki dawaen thin bahut

kaam mushkil to koi KHwab hasin DhunDhna tha