aaj wo baat sahi jis mein teri kal kal jae

aaj vo baat sahī jis meñ tirī kal kal jaa.e

kyā karūñ lekin agar koī mahīna Tal jaa.e

yuuñ lagī kosne chaupaḌ meñ jo haarī vo parī

satī ho jaa.e daman mar tirā raaja nal jaa.e

Dhaltī phirtī huī ai chhāñv jo vo itrāveñ

haq kare terī tarah un kā bhī joban Dhal jaa.e

aah kī lau jo mirī chūḌī se nikle baajī

sham.a ye baḳhtoñ-jalī kyuuñ na bhalā jal jal jaa.e

use qurbān karūñ jo mujhe chheḌe 'inshā'

merī chhātī jo chhue us kī hathelī jal jaa.e

aaj wo baat sahi jis mein teri kal kal jae

kya karun lekin agar koi mahina Tal jae

yun lagi kosne chaupaD mein jo haari wo pari

sati ho jae daman mar tera raja nal jae

Dhalti phirti hui ai chhanw jo wo itrawen

haq kare teri tarah un ka bhi joban Dhal jae

aah ki lau jo meri chuDi se nikle baji

shama ye baKHton-jali kyun na bhala jal jal jae

use qurban karun jo mujhe chheDe 'insha'

meri chhati jo chhue us ki hatheli jal jae