Tis peDu mein uThi uhi meri jaan gai

Tiis peḌū meñ uThī uuhī mirī jaan ga.ī

mat satā mujh ko do-gānā tire qurbān ga.ī

tujh se jab tak na milī thī mujhe kuchh dukh hī na thā

haath maltī huuñ burī baat ko kyuuñ maan ga.ī

juuñ juuñ pahuñchī hai chamak bandī kā dam ruktā hai

ab mirī jaan ga.ī jaan ye maiñ jaan ga.ī

maiñ tire paas do-gānā abhī aa.ī thī chalī

mere ghar meñ tū abas karne ko tūfān ga.ī

zahr lagtī hai mujhe ye tirī chitthal-bāzī

yaañ tire aane se baajī tujhe pahchān ga.ī

terī 'ragnīñ' se kahīñ aañkh laḌī sach kah de

kuchh to ghabrā.ī huī phirtī hai ausān ga.ī

Tis peDu mein uThi uhi meri jaan gai

mat sata mujh ko do-gana tere qurban gai

tujh se jab tak na mili thi mujhe kuchh dukh hi na tha

hath malti hun buri baat ko kyun man gai

jun jun pahunchi hai chamak bandi ka dam rukta hai

ab meri jaan gai jaan ye main jaan gai

main tere pas do-gana abhi aai thi chali

mere ghar mein tu abas karne ko tufan gai

zahr lagti hai mujhe ye teri chitthal-bazi

yan tere aane se baji tujhe pahchan gai

teri 'ragnin' se kahin aankh laDi sach kah de

kuchh to ghabrai hui phirti hai ausan gai