Sher on Bebasi

aisī duniyā meñ kab tak guzārā kareñ tum hī kah do ki kaise gavārā kareñ

raat mujh se mirī bebasī ne kahā bebasī ke liye ek taaza ġhazal

aisi duniya mein kab tak guzara karen tum hi kah do ki kaise gawara karen

raat mujh se meri bebasi ne kaha bebasi ke liye ek taza ghazal

bebasī se najāt mil jaa.e

phir savāl-o-javāb kar lenā

bebasi se najat mil jae

phir sawal-o-jawab kar lena

kyā shakl hai vasl meñ kisī kī

tasvīr haiñ apnī bebasī kī

kya shakl hai wasl mein kisi ki

taswir hain apni bebasi ki

hadīs-e-dil ba-zabān-e-nazar bhī kah na sakā

huzūr-e-husn baḌhī aur bebasī merī

hadis-e-dil ba-zaban-e-nazar bhi kah na saka

huzur-e-husn baDhi aur bebasi meri

kyā zarā sā vaqt badlā sab ne āñkheñ pher liiñ

bebasī par muskurāte haiñ mire ahbāb dekh

kya zara sa waqt badla sab ne aankhen pher lin

bebasi par muskuraate hain mere ahbab dekh

uThāne vaale hameñ bazm se zarā ye dekh

ki TūTtā hai ġharīboñ kā aasrā kaise

uThane wale hamein bazm se zara ye dekh

ki TuTta hai gharibon ka aasra kaise

qafas meñ rah ke na rote agar ye jānte ham

chaman meñ rah ke bhī ronā hai bāl-o-par ke liye

qafas mein rah ke na rote agar ye jaante hum

chaman mein rah ke bhi rona hai baal-o-par ke liye

maiñ tumheñ pā na sakūñ tum mujhe apnā na sako

phir yahī khel mirī jaan dubāra ho jaa.e

main tumhein pa na sakun tum mujhe apna na sako

phir yahi khel meri jaan dubara ho jae

na chāragar ke liye mujh meñ koī vasf-e-hayāt

na vaj.h-e-mātam-e-marg aah nauhagar ke liye

na chaaragar ke liye mujh mein koi wasf-e-hayat

na wajh-e-matam-e-marg aah nauhagar ke liye