Sher on Mehrbaan

ik guzārish hai mehrbānoñ se

chhoḌ deñ āstīñ nikal jaa.eñ

ek guzarish hai mehrbanon se

chhoD den aastin nikal jaen

ab zarā sargoshiyoñ meñ baat ho

mehrbāñ lahje kī aadat hai hameñ

ab zara sargoshiyon mein baat ho

mehrban lahje ki aadat hai hamein

rah-e-hayāt meñ kāñToñ ne mehrbāñ ho kar

bachā liyā hai azāb-e-shaguftagī se mujhe

rah-e-hayat mein kanTon ne mehrban ho kar

bacha liya hai azab-e-shaguftagi se mujhe