barf-baarii kii ek shaam jangal se guzarte hu.e

ye jangal kis kā jangal hai

maiñ shāyad jāntā huuñ

yahīñ ek paas ke gaañv meñ

shāyad us kā ghar hai

magar vo be-ḳhabar hai maiñ yahāñ huuñ

safar meñ chalte chalte ruk gayā huuñ

sabza sabza narm-o-nāzuk barf ke gaale

utarte dekhtā huuñ

mire mā'sūm ghoḌe ko ye hairat hai

maiñ arz-e-be-amāñ meñ kyoñ rukā huuñ

yahāñ jangal hī jangal hai

kisī jānib koī Thahrī huī sī

ek yaḳh-basta nadī hai

raat kaalī raat jaisī bebasī hai

mire ghoḌe kī hairat ne zabāñ paa.ī

gale kī ghanTī us ne yuuñ hilā.ī

maiñ ye kyā kar rahā huuñ

yahāñ jo dūsrī āvāz hai

vo to havā kā ek jhoñkā hai

vo saa.eñ saa.eñ jangal se guzartā hai

yahāñ ye narm-o-nāzuk

barf-bārī kī sadā-e-be-sadā hai

ye jangal kaisā suhānā kaisā pur-asrār

kitnā be-karāñ hai

magar us paar ke vā'de mujhe vāpas bulāte haiñ

maiñ thak kar lambī gahrī niiñd so jā.ūñ

mujhe is niiñd se pahle abhī kuchh duur jaanā hai

safar ke miil se rishta nibhānā hai

mujhe duur jaanā hai

ye jangal kis ka jangal hai

main shayad jaanta hun

yahin ek pas ke ganw mein

shayad us ka ghar hai

magar wo be-KHabar hai main yahan hun

safar mein chalte chalte ruk gaya hun

sabza sabza narm-o-nazuk barf ke gale

utarte dekhta hun

mere ma'sum ghoDe ko ye hairat hai

main arz-e-be-aman mein kyon ruka hun

yahan jangal hi jangal hai

kisi jaanib koi Thahri hui si

ek yaKH-basta nadi hai

raat kali raat jaisi bebasi hai

mere ghoDe ki hairat ne zaban pai

gale ki ghanTi us ne yun hilai

main ye kya kar raha hun

yahan jo dusri aawaz hai

wo to hawa ka ek jhonka hai

wo saen saen jangal se guzarta hai

yahan ye narm-o-nazuk

barf-bari ki sada-e-be-sada hai

ye jangal kaisa suhana kaisa pur-asrar

kitna be-karan hai

magar us par ke wa'de mujhe wapas bulate hain

main thak kar lambi gahri nind so jaun

mujhe is nind se pahle abhi kuchh dur jaana hai

safar ke mil se rishta nibhana hai

mujhe dur jaana hai