jaada-e-hasrat

ik jangal meñ do hī rāste jaate the

maiñ ek musāfir donoñ par kaise chaltā

us raste ko takā kiyā

jahāñ se rasta

nīche kī jānib jaatā thā

phir maiñ dūsre raste par chal niklā

vo bhī utnā hī achchhā thā

balki shāyad us se behtar

is raste par ghaas ugī thī

garche itnī taaza nahīñ thī

us raste kī ghaas to logoñ ke chalne se

kuchh ziyāda murjhā sī ga.ī thī

is sub.h to donoñ rastoñ par

kuchh patte gire hue the

aur pattoñ ko

kisī ke qadmoñ ne

ab tak rauñdā bhī nahīñ thā

maiñ ne sochā

us raste par agle din maiñ jā.ūñgā

garche ye bhī jāntā thā

ki raste kaise aage baḌhte jaate haiñ

aur vāpas aana kitnā mushkil hotā hai

maiñ ye qissa jug biite par

kabhī kahīñ dohrā.ūñgā

maiñ apnī sard aahoñ meñ

qissa ye dohrā.ūñgā

ik jangal meñ do raste jaate the aur

maiñ ne vo rasta apnāyā

jis par kam hī log ga.e the

aur isī se saarā farq paḌā hai

is jiine meñ

ek jangal mein do hi raste jate the

main ek musafir donon par kaise chalta

us raste ko taka kiya

jahan se rasta

niche ki jaanib jata tha

phir main dusre raste par chal nikla

wo bhi utna hi achchha tha

balki shayad us se behtar

is raste par ghas ugi thi

garche itni taza nahin thi

us raste ki ghas to logon ke chalne se

kuchh ziyaada murjha si gai thi

is subh to donon raston par

kuchh patte gire hue the

aur patton ko

kisi ke qadmon ne

ab tak raunda bhi nahin tha

main ne socha

us raste par agle din main jaunga

garche ye bhi jaanta tha

ki raste kaise aage baDhte jate hain

aur wapas aana kitna mushkil hota hai

main ye qissa jug bite par

kabhi kahin dohraunga

main apni sard aahon mein

qissa ye dohraunga

ek jangal mein do raste jate the aur

main ne wo rasta apnaya

jis par kam hi log gae the

aur isi se sara farq paDa hai

is jine mein