manzar

dariyā ke kināre par

chuntī hai vo nīlūfar

bāteñ kiye jaatī hai

vo saath kī sakhiyoñ se

chuhleñ kiye jaatī hai

sharmā.e se phūloñ se

kirnoñ se banā paanī

shaffāf sā ā.īna

'aks us meñ nazar aayā

pairāhan-e-rangīñ kā

ḳhushbū se mo'attar hai

dāman jo gul-e-tar kā

āvāra havāoñ se

larzish huī aur thirkā

lekin vo kināre par

do chaar savār aa.e

āvezāñ haiñ jo shāḳheñ

in shāḳhoñ ke pattoñ meñ

hathiyār chamak uTThe

phūloñ meñ sadā aa.ī

har asp ke Tāpoñ kī

ruḳhsat vo hue saare

ojhal haiñ nigāhoñ se

in sab ne unheñ dekhā

dil Dar se laraz uThThā

dariya ke kinare par

chunti hai wo nilufar

baaten kiye jati hai

wo sath ki sakhiyon se

chuhlen kiye jati hai

sharmae se phulon se

kirnon se bana pani

shaffaf sa aaina

'aks us mein nazar aaya

pairahan-e-rangin ka

KHushbu se mo'attar hai

daman jo gul-e-tar ka

aawara hawaon se

larzish hui aur thirka

lekin wo kinare par

do chaar sawar aae

aawezan hain jo shaKHen

in shaKHon ke patton mein

hathiyar chamak uTThe

phulon mein sada aai

har asp ke Tapon ki

ruKHsat wo hue sare

ojhal hain nigahon se

in sab ne unhen dekha

dil Dar se laraz uThTha