kisii kii yaad

haal par apne jo paḌtī haiñ nigāheñ merī

kabhī taqdīr se nālāñ kabhī ḳhud se barham

āsmāñ ko bhī hilā detī haiñ aa.heñ merī

sākin-e-‘arsh se kartā huuñ shikāyat paiham

kaash bar aatī koī to mire dil kī ummīd

koī mahbūb koī chāhne vaalā hotā

kuchh hunar hotā hunar meñ nazar aatī tajdīd

rang Dhang apnā zamāne se nirālā hotā

is tarah ḳhud se jo bezār sā ho jaatā huuñ

nāgahāñ jān-e-vafā terā ḳhayāl aatā hai

jaise hangām-e-sahar murġh par-afshāñ ho kar

giit gaatā huā gardūñ pe pahuñch jaatā hai

phir tirī yaad meñ jab mahv maiñ ho jaatā huuñ

tājdāroñ ko bhī ḳhātir meñ nahīñ laatā huuñ

haal par apne jo paDti hain nigahen meri

kabhi taqdir se nalan kabhi KHud se barham

aasman ko bhi hila deti hain aahen meri

sakin-e-‘arsh se karta hun shikayat paiham

kash bar aati koi to mere dil ki ummid

koi mahbub koi chahne wala hota

kuchh hunar hota hunar mein nazar aati tajdid

rang Dhang apna zamane se nirala hota

is tarah KHud se jo bezar sa ho jata hun

nagahan jaan-e-wafa tera KHayal aata hai

jaise hangam-e-sahar murgh par-afshan ho kar

git gata hua gardun pe pahunch jata hai

phir teri yaad mein jab mahw main ho jata hun

tajdaron ko bhi KHatir mein nahin lata hun