us kii KHvaahish

din bhar ke kāmoñ se fāriġh hone ke baad jab tum thak jaao

to apne shauhar ke pahlū meñ laTe saktī ho

...agar us ne ḳhvāhish zāhir kī

to tum be-zārī kā iz.hār mat karnā

kyūñki vo to tumhārī thakan duur karnā chāhtā hai

raat meñ achānak jab chhuTkī uTh jaa.e

to apne ḳhvāboñ ko taaq par rakh kar uTh baiTho

aur apne kapḌe pahan kar use thapaktī raho

tā āñ-ki vo so na jaa.e

agar vo mutavātir bisūrtī rahī

to use bāhar le jaao man-bahlāvan ko

varna tumhāre shauhar kī niiñd uchaT jā.egī

ki dūsre din use kaam par bhī jaanā hai

tumhārī baḌī ke roz-marra schōl home-work

khānā-pīnā aur jhagḌā suljhāne ke baad

vaqt nikāl kar us kī taqrīr bhī tayyār kar do

'merī maañ'

kyūñki vo kal stage par

tumhārī azmat ke gun gaanā chāhtī hai

kitnī haqīqat par mabnī hai hamāre hindostānī ma.āshre meñ ek aam aurat kī tasvīr!

din bhar ke kaamon se farigh hone ke baad jab tum thak jao

to apne shauhar ke pahlu mein laTe sakti ho

agar us ne KHwahish zahir ki

to tum be-zari ka izhaar mat karna

kyunki wo to tumhaari thakan dur karna chahta hai

raat mein achanak jab chhuTki uTh jae

to apne KHwabon ko taq par rakh kar uTh baiTho

aur apne kapDe pahan kar use thapakti raho

ta aan-ki wo so na jae

agar wo mutawatir bisurti rahi

to use bahar le jao man-bahlawan ko

warna tumhaare shauhar ki nind uchaT jaegi

ki dusre din use kaam par bhi jaana hai

tumhaari baDi ke roz-marra school home-work

khana-pina aur jhagDa suljhane ke baad

waqt nikal kar us ki taqrir bhi tayyar kar do

'meri man'

kyunki wo kal stage par

tumhaari azmat ke gun gana chahti hai

kitni haqiqat par mabni hai hamare hindostani maashre mein ek aam aurat ki taswir!