jaane kii apne KHasta dilo.n ko KHabar na kii

jaane kī apne ḳhasta diloñ ko ḳhabar na kī

dilbar ne yād-e-ham-nafas-o-ham-safar na kī

yā baḳht ne tarīq-e-mohabbat bhulā diyā

yā us ne sū-e-rāh-e-tarīqat nazar na kī

sochā thā mere rone pe hogā vo mehrbāñ

tāsīr sang-dil pe fuġhāñ ne magar na kī

jis ne bhī tujh ko dekhā mirī aañkh chuum lī

jo shai pasand aañkh ne kī be-basar na kī

maiñ jāñ-ba-kaf khaḌā hī rahā sham' kī tarah

us ne hī sair misl-e-nasīm-e-sahar na kī

jaane ki apne KHasta dilon ko KHabar na ki

dilbar ne yaad-e-ham-nafas-o-ham-safar na ki

ya baKHt ne tariq-e-mohabbat bhula diya

ya us ne su-e-rah-e-tariqat nazar na ki

socha tha mere rone pe hoga wo mehrban

tasir sang-dil pe fughan ne magar na ki

jis ne bhi tujh ko dekha meri aankh chum li

jo shai pasand aankh ne ki be-basar na ki

main jaan-ba-kaf khaDa hi raha sham' ki tarah

us ne hi sair misl-e-nasim-e-sahar na ki