lauTaa vo naama-bar jo gayaa thaa dayaar-e-dost

lauTā vo nāma-bar jo gayā thā dayār-e-dost

tā'vīz laayā hai ki ḳhat-e-mushkbār-e-dost

jī ḳhush kare hai shān-e-jalāl-o-jamāl-e-yār

achchhā lage hai qissa-e-'izz-o-vaqār-e-dost

ḳhush huuñ luTā ke daulat-e-dil phir bhī huuñ ḳhajil

itnī haqīr shai kī bhalā kyoñ nisār-e-dost

shukr-e-ḳhudā nasīb madad-gār ho gayā

ab hasb-e-ārzū hai sabhī kārobār-e-dost

māh-o-falak ko sair pe kab iḳhtiyār thā

yuuñ ghuum jo rahe haiñ ye hai iḳhtiyār-e-dost

surma to lā ke diijo nasīm-e-sahar mujhe

us ḳhāk-e-pāk kā jo banī rahguzār-e-dost

dushman bhī sar uḌāne ko aa.e to 'hāfizā'

fazl-e-ḳhudā na hūñgā kabhī sharmsār-e-dost

lauTa wo nama-bar jo gaya tha dayar-e-dost

ta'wiz laya hai ki KHat-e-mushkbar-e-dost

ji KHush kare hai shan-e-jalal-o-jamal-e-yar

achchha lage hai qissa-e-'izz-o-waqar-e-dost

KHush hun luTa ke daulat-e-dil phir bhi hun KHajil

itni haqir shai ki bhala kyon nisar-e-dost

shukr-e-KHuda nasib madad-gar ho gaya

ab hasb-e-arzu hai sabhi karobar-e-dost

mah-o-falak ko sair pe kab iKHtiyar tha

yun ghum jo rahe hain ye hai iKHtiyar-e-dost

surma to la ke dijo nasim-e-sahar mujhe

us KHak-e-pak ka jo bani rahguzar-e-dost

dushman bhi sar uDane ko aae to 'hafiza'

fazl-e-KHuda na hunga kabhi sharmsar-e-dost