yaar meraa dard bhii darmaan bhii

yaar merā dard bhī darmān bhī

dil fidā us par hai aur hai jaan bhī

husn se baḌh kar hai us kī ān-bān

husn bhī rakhtā hai vo aur shaan bhī

phir hamāre qatl ke darpe hai vo

toḌ Daale vā'da-o-paimān bhī

dosto dar-parda jo kahtā huuñ baat

kal yahī ban jā.egī dastān bhī

donoñ 'ālam us ke ruḳh se zau-fagan

kyā kahūñ zāhir bhī vo pinhān bhī

kaise duniyā par kareñ ham e'timād

aur vo gardūn-e-'ālīshān bhī

'āshiqī 'hāfiz' kī jaane mohtasib

āsif-e-mulk-e-sulaimāñ shaan bhī

yar mera dard bhi darman bhi

dil fida us par hai aur hai jaan bhi

husn se baDh kar hai us ki aan-ban

husn bhi rakhta hai wo aur shan bhi

phir hamare qatl ke darpe hai wo

toD Dale wa'da-o-paiman bhi

dosto dar-parda jo kahta hun baat

kal yahi ban jaegi dastan bhi

donon 'alam us ke ruKH se zau-fagan

kya kahun zahir bhi wo pinhan bhi

kaise duniya par karen hum e'timad

aur wo gardun-e-'alishan bhi

'ashiqi 'hafiz' ki jaane mohtasib

aasif-e-mulk-e-sulaiman shan bhi