chho.De hu.e ghar kaa giit

lo ab alvidā'

mere ghar

kyā mā'lūm ham kab mileñge

kal yā kisī aur din

kuchh dinoñ baad yā bahut dinoñ baad

ek aur safar darpesh hai

lekin is dafa hī tujh se zarūr kahūñgā

ki ham ne tere patthar ke siine ko

bahut chāhā hai

tū ne kitnī saḳhāvat se

bāvarchī-ḳhāne kī aag se garmī se navāzā hai

terī chhat

jis se bārish kī būñdeñ

añgūroñ kī tarah Tapaktī haiñ

āsmān se girtī huī mausīqī

jab ham terī khiḌkiyāñ band karte haiñ

dam ghoñTne vaalī be-vaqt raat

tere har kamre par chhā jā.egī

añdhere meñ Duubā huā

tū phir bhī jiitā jāgtā rahtā hai

vaqt tere sar par mañDlātā rahtā hai

aur cell kī gīlāhaT āhista āhista terī ruuh ko khātī chalī jaatī hai

kisī vaqt

koī chūhā kuchh katartā hai kāġhaz sarakte haiñ

ek malfūf sarsarāhaT

ek bhaTkā huā kiiḌā

thak kar kisī dīvār ke saath lag jaatā hai

aur jab bārish aatī hai

to is tanhā.ī meñ

chhat ke Tapakne kī āvāz

insānī āvāz kī tarah lagtī hai

jaise koī ro rahā ho

faqat sāyoñ ko hī

muqaffal gharoñ ke raaz kā 'alam hai

yā āvāra havā ko

lo ab alwida'

mere ghar

kya ma'lum hum kab milenge

kal ya kisi aur din

kuchh dinon baad ya bahut dinon baad

ek aur safar darpesh hai

lekin is dafa hi tujh se zarur kahunga

ki hum ne tere patthar ke sine ko

bahut chaha hai

tu ne kitni saKHawat se

bawarchi-KHane ki aag se garmi se nawaza hai

teri chhat

jis se barish ki bunden

anguron ki tarah Tapakti hain

aasman se girti hui mausiqi

jab hum teri khiDkiyan band karte hain

dam ghonTne wali be-waqt raat

tere har kamre par chha jaegi

andhere mein Duba hua

tu phir bhi jita jagta rahta hai

waqt tere sar par manDlata rahta hai

aur cell ki gilahaT aahista aahista teri ruh ko khati chali jati hai

kisi waqt

koi chuha kuchh katarta hai kaghaz sarakte hain

ek malfuf sarsarahaT

ek bhaTka hua kiDa

thak kar kisi diwar ke sath lag jata hai

aur jab barish aati hai

to is tanhai mein

chhat ke Tapakne ki aawaz

insani aawaz ki tarah lagti hai

jaise koi ro raha ho

faqat sayon ko hi

muqaffal gharon ke raaz ka 'alam hai

ya aawara hawa ko