musaafir

musāfir

is shahr kā paanī na piinā

is kī miThās meñ bahār kā zā.iqa

tumheñ hamesha ke liye apnī mohabbat meñ giraftār kar legā

us shahr meñ zarā bhī sustāne ke liye sar jhukāoge

to vaqt yahāñ

sāloñ ke liye ruk jā.egā

yaad rakhnā tumhārā rāsta abhī tai nahīñ huā

is shahr ke mehmān gharoñ kī mehmān-navāzī meñ

apnī manzil na bhuul jaanā

dhuul meñ aTī pagDanDiyoñ kī ḳhushī yaad rakhnā

suno kyā ḳhāmoshī hai

is shahr ke farishte bhī aḌ chuke haiñ

apne dil ko un kī pahuñch se bhī duur rakho

daraḳhtoñ ke kisī jhunD meñ kisī 'aurat ke haath ko bosa mat denā

bahār ke mausam kā ḳhayāl aa.e to Dar jaanā

apne māthe par manzil ke nishān kā hamesha naqsh qaa.em rakhnā

apne maġhrūr hoñToñ ko tishna hī rakhnā

musāfir

is shahr meñ na jaanā

musafir

is shahr ka pani na pina

is ki miThas mein bahaar ka zaiqa

tumhein hamesha ke liye apni mohabbat mein giraftar kar lega

us shahr mein zara bhi sustane ke liye sar jhukaoge

to waqt yahan

salon ke liye ruk jaega

yaad rakhna tumhaara rasta abhi tai nahin hua

is shahr ke mehman gharon ki mehman-nawazi mein

apni manzil na bhul jaana

dhul mein aTi pagDanDiyon ki KHushi yaad rakhna

suno kya KHamoshi hai

is shahr ke farishte bhi aD chuke hain

apne dil ko un ki pahunch se bhi dur rakho

daraKHton ke kisi jhunD mein kisi 'aurat ke hath ko bosa mat dena

bahaar ke mausam ka KHayal aae to Dar jaana

apne mathe par manzil ke nishan ka hamesha naqsh qaem rakhna

apne maghrur honTon ko tishna hi rakhna

musafir

is shahr mein na jaana