tum ādatan kahoge use yaar ma.azarat

lekin ye e'tirāf ke zumre meñ aa.egā

tum aadatan kahoge use yar mazarat

lekin ye e'tiraf ke zumre mein aaega

rāste aur bhī jaate haiñ udhar ko lekin

vo mire dil se guzartā huā ghar jaatā hai

raste aur bhi jate hain udhar ko lekin

wo mere dil se guzarta hua ghar jata hai

zindagī us kī amānat thī vagarna 'maz.har'

ham ise apne tasarruf meñ bhī lā sakte the

zindagi us ki amanat thi wagarna 'mazhar'

hum ise apne tasarruf mein bhi la sakte the

is mohabbat se mirī samt koī dekhtā hai

ruk bhī jaatā huuñ kabhī dasht ko jaatā huā maiñ

is mohabbat se meri samt koi dekhta hai

ruk bhi jata hun kabhi dasht ko jata hua main

fī-zamāna ye muravvat bhī bahut hai 'maz.har'

un ko jaanā thā magar dost bahāne se ga.e

fi-zamana ye murawwat bhi bahut hai 'mazhar'

un ko jaana tha magar dost bahane se gae