aur to dil ko nahīñ hai koī taklīf 'adam'

haañ zarā nabz kisī vaqt Thahar jaatī hai

aur to dil ko nahin hai koi taklif 'adam'

han zara nabz kisi waqt Thahar jati hai

chhoḌā nahīñ ḳhudī ko dauḌe ḳhudā ke pīchhe

āsāñ ko chhoḌ bande mushkil ko DhūñDte haiñ

chhoDa nahin KHudi ko dauDe KHuda ke pichhe

aasan ko chhoD bande mushkil ko DhunDte hain

jis ne mah-pāroñ ke dil pighlā diye

vo to merī shā.erī thī maiñ na thā

jis ne mah-paron ke dil pighla diye

wo to meri shaeri thi main na tha

maiñ umr bhar javāb nahīñ de sakā 'adam'

vo ik nazar meñ itne savālāt kar ga.e

main umr bhar jawab nahin de saka 'adam'

wo ek nazar mein itne sawalat kar gae

ye kyā ki tum ne jafā se bhī haath khīñch liyā

mirī vafāoñ kā kuchh to sila diyā hotā

ye kya ki tum ne jafa se bhi hath khinch liya

meri wafaon ka kuchh to sila diya hota