Today's top 5 Urdu Shayari

sab pe jis baar ne girānī kī

us ko ye nā-tavāñ uThā laayā

sab pe jis bar ne girani ki

us ko ye na-tawan uTha laya

dil ke hāthoñ kahīñ duniyā meñ guzārā na rahā

ham kisī ke na rahe koī hamārā na rahā

dil ke hathon kahin duniya mein guzara na raha

hum kisi ke na rahe koi hamara na raha

dil pāgal hai roz na.ī nādānī kartā hai

aag meñ aag milātā hai phir paanī kartā hai

dil pagal hai roz nai nadani karta hai

aag mein aag milata hai phir pani karta hai

kabhī yak-ba-yak tavajjoh kabhī daf.atan taġhāful

mujhe aazmā rahā hai koī ruḳh badal badal kar

kabhi yak-ba-yak tawajjoh kabhi dafatan taghaful

mujhe aazma raha hai koi ruKH badal badal kar

darvāza khulā hai ki koī lauT na jaa.e

aur us ke liye jo kabhī aayā na gayā ho

darwaza khula hai ki koi lauT na jae

aur us ke liye jo kabhi aaya na gaya ho